Umujyi wa Kigali watowemo abakobwa b’ubwiza bazawuserukira mu irushanwa rya Miss Rwanda ryari rimaze igihe rizenguruka ibice bitandukanye by’igihugu hashakishwa abahatanira ikamba.

Abakobwa batandatu nibo batoranyijwe guserukira Umujyi wa Kigali, hari hiyandikishije abakobwa 80 ariko abangana na 30 nibo bemerewe guhatana mu ijonjora rya nyuma. Abakobwa 37 nibo barenze icyiciro cya mbere bazatorwamo Miss Rwanda 2019.

Aba bose bazatorwamo abajya mu mwiherero ku wa 5 Mutarama 2019 naho Miss Rwanda 2019 atorwe mu birori bikomeye bizaba ku wa 26 Mutarama.

Mbere y’ibi bikorwa ariko abakobwa batowe mu Ntara zose n’Umujyi wa Kigali bazitabira igikorwa cyo gutombora nimero bazamenyekaniraho mu irushanwa mu gikorwa kizabera i Rusororo muri Intare Conference Arena.

Ijonjora ryo mu Mujyi wa Kigali ryabaye kuri uyu wa Gatandatu, tariki ya 29 Ukuboza 2018 ryaranzwe n’udushya twinshi, hari bamwe mu bakobwa bahatanye bagaragazaga kuba batariteguye neza bigashobera abagize akanama nkemurampaka.

Hari uwasonzwe n’ibibazo akabira icyuya kugeza ahawe azimaniwe amazi, undi asaba gusubirishwamo ariko ntiyahabwa ayo mahirwe.

Umukobwa uzatorerwa kuba Nyampinga w’u Rwanda 2019 azahabwa amasezerano yo kuba Brand Ambassador wa Cogebanque itera inkunga iri rushanwa ndetse ajye ahembwa umushahara wa 800,000 Frw n’imodoka nshyashya.

Umukobwa uzatorerwa kuba igisonga cya mbere azagenerwa igihembo cya miliyoni imwe y’amafaranga y’u Rwanda (1,000,000 Frw) naho igisonga uzaba igisonga cya kabiri ahembwe ibihumbi magana atanu by’amafaranga y’u Rwanda (500,000 Frw).

Mu mateka y’u Rwanda hamaze gutorwa ba Nyampinga icyenda guhera mu 1991. Abatowe basimburanywe uhereye kuri Nubuhoro Jeanne (1991), Uwera Dalila (1992), Bahati Grace (2009), Mutesi Aurore (2012), Akiwacu Colombe(2014), Kundwa Doriane (2015), Mutesi Jolly(2016), Iradukunda Elsa (2017) na Iradukunda Liliane (2018).

Abakobwa bemerewe guhagararira Umujyi wa Kigali muri Miss Rwanda 2019

• Gakunde Iradukunda Prayer (No.4)
• Niyonshuti Assoumpta (No.1)
• Ibyishaka Aline (No.14)
• Umutoni Grace (No.17)
• Nimwiza Meghan (No.22)
• Uwase Sangwa Odile (No.25)

Abatambutse ijonjora ry'i Kigali: Uhereye ibumoso hari Ibyishaka Aline (No.14), Gakunde Iradukunda Prayer (No.4), Niyonshuti Assoumpta (No.1), Umutoni Grace (No.17), Nimwiza Meghan (No.22) na Uwase Sangwa Odile (No.25)

Uko igikorwa cyo gutoranya aba bakobwa cyagenze mu mafoto:

Ijonjora rya Miss Rwanda 2019 ryasorejwe i Kigali

Abakobwa biyizeye ku bwiza, ubuhanga n'umuco bari babukereye

Itsinda ryandika abakobwa bashaka kwinjira muri Miss Rwanda uyu munsi ryabaruye abagera kuri 80

Uri ahabereye iki gikorwa uba wabaga witegeye amasangano y'imihanda ya Remera

Uba unareba indege zigwa ku kibuga cy'indege i Kanombe

Abakobwa bitabiriye ijonjora bapimwa ko bujuje uburebure

Abakobwa b'ubwiza baje muri Miss Rwanda barangwaga n'inseko

Abakobwa bitabiriye iri rushanwa batanze imyirondoro yabo kugira ngo bandikwe

Bapimwa ibiro

Uburebure bwa metero 1.70 na bwo ni ingenzi cyane muri Miss Rwanda

Akanama nkemurampaka muri Miss Rwanda muri uyu mwaka kagizwe n'ab'igitsina gore gusa

Miss Iradukunda Elsa ni umwe mu bakora muri Miss Rwanda muri iki gihe

Itangazamakuru ryo hanze na ryo ryateye imboni irushanwa rya Miss Rwanda

Miss Iradukunda Liliane wambaye ikamba riri guhatanirwa

Itangazamakuru riba rikurikiye aya majonjora cyane

Miss Mutesi Jolly utinywa cyane n'abakobwa

Guhagararira Umujyi wa Kigali byashakishwaga n'abakobwa 30

Abatambutse ijonjora ry'i Kigali: Uhereye ibumoso hari Ibyishaka Aline (No.14), Gakunde Iradukunda Prayer (No.4), Niyonshuti Assoumpta (No.1), Umutoni Grace (No.17), Nimwiza Meghan (No.22) na Uwase Sangwa Odile (No.25)

Abatambutse ijonjora ry'i Kigali: Uhereye ibumoso hari Ibyishaka Aline (No.14), Gakunde Iradukunda Prayer (No.4), Niyonshuti Assoumpta (No.1), Umutoni Grace (No.17), Nimwiza Meghan (No.22) na Uwase Sangwa Odile (No.25)

Amafoto: FOCUSiCON

)