Umunyamakuru w’imikino ukomeye, Kwizigira Jean Claude yashimiye Imana yamuhaye umugore mwiza, Umubyeyi Clarisse, ni mu gihe bizihiza imyaka 8 bakoze ubukwe.

Abinyujije ku mbuga nkoranyambaga ze, uyu munyamakuru w’Ikigo cy’Igihugu cy’Itangazamakuru (RBA), yashimiye uyu mugore we uburyo babanye neza muri iki gihe cy’imyaka umunani bamaze bakoze ubukwe.

Ati "Isabukuru nziza y’ubukwe bwacu rukundo. Wahoze uri umuntu w’ingenzi mu buzima bwanjye, umwunganizi mwiza w’ubuzima, umugore ufata inshingano n’umubyeyi mwiza w’utumalayika duto twacu. Imana ikomeze ihe umugisha umuryango wacu n’urugendo rwacu turi kumwe. Ndagukunda."

Tariki ya 21 Nyakanga 2018 nibwo Kwizigira Jean Claude na Umubyeyi Clarisse nyuma y’urugendo rw’ubushuti n’urukundo ruhamye rwari rumaze imyaka 15 bakoze ubukwe.

Mu muhango w’ubukwe bwiza, ibirori bibereye ijisho byabereye Romantic Garden ni mu gihe gusezerana Imbere y’Imana byabereye mu rusengero rwa Hope in Jesus Ministries.

Kwizigira n'umugore we Umubyeyi Clarisse barizihiza imyaka 8 bakoze ubukwe

)