Umunayrwanda ukinira ikipe ya Azam FC, Ally Niyonzima niwe mu mukinnyi wa ruhago ugenda mu modoka ihenze mu bakinnyi bose bakina muri shamoiyona ya Tanzania.

Nk’uko bigaragara ku rutonde rwokozwe n’ikinyamakuru Spoti Xtra, uyu munyarwanda ukinira Azam FC, Bernard Morrison wa Simba SC na Carlos Carlinhos wa Yanga bari kuri uru rutonde rw’abandi bakinnyi.

Ally Niyonzima yinjiye muri Azam FC mu ntangiriro za Kanama 2019 ayisinyira imyaka ibiri y’amasezerano.

Uyu mukinnyi ukina mu kibuga hagati yashyizwe ku mwanya wa mbere mu bakinnyi bagenda mu modoka zihenze muri Tanzania aho agenda muri BMW 4 Series Gran Coupe 2014 aho ifite agaciro ka miliyoni 80 z’amashilingi ya Tanzania, ni ukuvuga miliyoni 35 z’amafaranga y’u Rwanda.

Ku mwanya wa 2 hari umunya-Ghana ukinira Simba SC, Bernard Morisson aho agenda muri Nissan Fuga 50GT 2013 ifite agaciro ka miliyoni 63 z’amashilingi ya Tanzania, ni ukuvuga miliyoni 27 z’amafaranga y’u Rwanda.

Rutahizamu w’umunya-Zambia ukinira Azam FC, Obrey Chirwa agendera muri Mercedes Benz E Class ikaba ifite agaciro ka miliyoni 52 z’amashilingi ya Tanzania, ni miliyoni 22 z’amafaranga y’u Rwanda.

Carlos Carlinhos umunyangola ukinira Yanga, agenda mu modoka yo mu bwoko bwa Subaru Impreza WRX Hatchback 2011 ifite agaciro ka miliyoni 32 z’amashilingi ya Tanzania, ni ukuvuga miliyoni 13 z’amafaranga y’u Rwanda.

Myugairo ukomoka muri Tanzania, Kelvin Yondani ukinira Polisi Tanznaia agendera muri Suzuki Grand Vitara 2014 aho ifite agaciro ka miliyoni 28 z’amashilingi ya Tanzania, miliyoni 12 z’amafaranga y’u Rwanda.

Abakinnyi nka Jonas Mkude, John Raphael Bocco ba Simba SC nibo bakurikiraho kuri uru rutonde buri umwe agendera mu modoka yo mu bwoko bwa Toyota Harrier aho igura miliyoni 27 z’amashilingi ya Tanzania.

AMAFOTO Y’IMODOKA: Internet

)