Umunyana Shanita witabiriye Miss University Africa na bagenzi be bahuriye mu gikorwa cyo gusuhukura imihanda y’Umujyi wa Owerri wakiriye irushanwa.

Irushanwa rya Miss University Africa rimaze ibyumweru bibiri ribera mu Mujyi wa Owerri muri Leta ya Imo iri mu majyepfo ashyira uburasirazuba bwa Nigeria.

Abakobwa bo mu bihugu 45 byitabiriye Miss University Africa uyu mwaka, bahuriye mu muganda basukura inkengero z’imihanda ya Owerri ndetse bakora ubukangurambaga bwo kwibutsa abaturage ko ‘isuku n’umutekano ari ingenzi muri Imo’.

Iki gikorwa, gikurikiye umuhango uheruka kubahuza na Guverineri wa Imo abaha ikaze muri Leta ayoboye.

Mu bihugu byitabiriye irushanwa uyu mwaka, harimo Zimbabwe, Zambia, Uganda, Togo, Tanzania, Swaziland, Sudan, Sudani y’Epfo, Afurika y’Epfo, Somalia, Sierra Leone, Seychelles, Senegal, Sao Tome, Nigeria, Niger, Namibia, Mozambique, Morocco, Mauritius, Mauritania, Mali, Malawi.

Harimo kandi abo mu bihugu bya Madagascar, Liberia, Lesotho, Kenya, Guinea, Guinea Bissau, Ghana, Gambia, Ethiopia, Eritrea, Djibouti, Ivory Cost, Congo Brazzaville, Gabon, RDC, Comoros, Chad, Central African Republic, Cape Verde, Cameroon, Burundi, Burkina Faso, Botswana, Benin, Angola, Algeria n’ibindi.

Umunyana Shanitah na bagenzi be bakubuye imihanda ya Owerri

Umutoniwase Linda uheruka guserukira u Rwanda yasoje ari mu icumi ba mbere mu gihe Lorriane Nadal wo muri Mauritius yatwaye ikamba.

)