Ikipe y’Igihugu y’u Rwanda y’Abatarengeje imyaka 18 n’iy’Abatarengeje imyaka 20, zombi zabonye itike yo kuzakina Igikombe cya Afurika cya Handball muri ibyo byiciro, nyuma yo kugera ku mukino wa nyuma w’amarushanwa ya “IHF Trophy/ Zone V” ari kubera muri Ethiopia.

Imikino ya ½ cy’iri rushanwa rihuza ibihugu byo mu Karere ka Gatanu yabaye kuri uyu wa Kane, tariki ya 7 Gicurasi 2026.

Ibyo bihugu birimo u Burundi, Kenya, Tanzania, Sudani y’Epfo, Somalia, u Rwanda na Ethiopia yakiriye irushanwa.

Abatarengeje imyaka 18 batsinze Ikipe y’Igihugu ya Uganda ibitego 34 kuri 30, naho abatarengeje imyaka 20 batsinda Kenya ibitego 41 kuri 33.

Aya makipe yombi y’u Rwanda yahise abona itike yo kwerekeza mu Gikombe cya Afurika kizabera i Abidjan muri Côte d’Ivoire muri Nzeli 2026.

Ku mukino wa nyuma, Abatarengeje imyaka 18 bazahura n’u Burundi, naho Abatarengeje imyaka 20 bahure na Ethiopia.

Abatarengeje imyaka 18 basezereye Uganda

Abatarengeje imyaka 20 basezereye Kenya

Perezida wa FERWAHAND Twahirwa Alfred arimo abatera imbaraga ababwira ko byose bishoboka

)