Nyuma y’uko Kiyovu Sports inganyije na AS Muhanga 1-1, APR FC yahise yegukana Shampiyona y’icyiciro cya mbere mu Rwanda 2025-26 ariko mu makipe y’imbere mu gihugu.

Shampiyona ya 2025-26 yakinwe mu buryo budasanzwe aho yitabiriwe n’amakipe abiri yo muri Sudani, Al Merrikh SC na Al Hilal SC.

Byavuzwe ko mu gihe imwe muri aya makipe nitwara Shampiyona, hazatangwa ibikombe bibiri, ikindi kikazahabwa ikipe yabaye iya mbere mu makipe yo mu Rwanda.

Niko byagenze aho Al Hilal SC yegukanye iyi Shampiyona ikanashyikirizwa igikombe.

Hari hasigaye kureba ikipe izaba iya mbere mu makipe yo mu Rwanda ikanatwara igikombe giherekejwe na miliyoni 80 Frw.

Mu gihe hari hasigaye imikino 3, APR FC ni yo yari imbere y’izindi n’amanota 59, Rayon Sports yari isigaje imikino 2 ifite 52 (iyi ntabwo yari ifite amahirwe yo kunyura kuri APR FC) na Kiyovu Sports na 50 isigaje imikino 3.

Kiyovu Sports ni yo yashoboraga gufata uyu mwanya mu gihe yatsinda imikino yayo yose maze APR FC nayo igatsindwa imikino isigaje yose.

Bari kunganya amanota 59 bakareba imikino yabahuje, yose baranganyije hari guhita hitabazwa ibitego, byashobokaga ko Kiyovu Sports yari kuba iri imbere.

Iyi mibare yose ntabwo babaye ngombwa ko igibwamo kuko Kiyovu Sports yanganyije na AS Muhanga yahise igira 51, bivuze ko itsinze imikino ibiri isigaye yagira 57, ntiyageza kuri 59 ya APR FC.

APR FC yasabwaga inota 1 kuri Rutsiro FC bakina uyu munsi, ikaba yahise yegukana iki gikombe idakinnye, kiba igikombe cya shampiyona cya 7 yegukanye kikurikiranya.

APR FC yegukanye Shampiyona ya 2025-26

)