Shampiyona y’icyiciro cya mbere mu bagabo muri Handball, umwaka w’imikino wa 2026-27 iratangira kuri uyu Gatandatu aho iy’uyu mwaka izatangirana n’amategeko arimo kuba ikipe ku rupapuro rw’umukino igomba kuba ifiteho abakinnyi babiri batarengeje imyaka 20.

Ni Shampiyona izatangira wa Gatandatu tariki 10/10/2026, ikaba izakinwa n’amakipe 10, izasozwa tariki 30/10/2026.

Iyi Shampiyona buri kipe igomba kuba ifite abakinnyi batatu batarengeje imyaka 20 kandi bakagaragara ku rupapuro rw’umukino iyo kipe igiye gukina.

Nyuma ya shampiyona amakipe ane azakina imikino ya Kamarampaka (Playoffs) guhera muri ½, iya mbere igahura n’iya kane, iya Kabiri n’iya gatatu (1 vs 4, 2 vs 3), muri ½ n’umwanya wa gatatu bazakinwa batanguranwa intsinzi 3 (best of five) n’aho ku mukino wa nyuma bakazatanguranwa imikino 4 (Best of Seven).

Hemejwe ko ikipe yageze muri play-offs yemerewe kongeramo abakinnyi babiri b’abanyamahanga bityo ku bari basanganywe bane bakaba 6 ariko mu kibuga ntibarenga abanyamahanga 4, n’aho ikipe itari isanganywe abanyamahanga yemerewe kuzana 6 nabo hagakina 4 gusa.

Shampiyona y’icyiciro cya mbere umwaka ushize wa 2025-26, yegukanywe na APR Handball Club yatsinze Police HC ku mukino wa nyuma wa Kamarampaka.

Gahunda y'umunsi wa mbere wa Shampiyona ya Handball

)