Umuherwe uzwi cyane muri Uganda, Frank Gashumba yatunguranye avuga kuri Miss Iradukunda Liliane nk’umukobwa w’ubwiza bwihariye.

Gashumba, akomoka mu Rwanda nk’uko itangazamakuru rya Uganda rikunda kubigarukaho. Ni umwe mu banyamafaranga akaba n’impirimbanyi, ni umucuruzi akagira n’ikigo gikomeye ayobora cyitwa Sisimuka Uganda.

Frank Gashumba ntakunze kugaragara ashimagiza abakobwa by’umwihariko ibyamamare, n’iyo hagize uwo avugaho ahanini aba akebura abatannye.

Kuri uyu wa Kane tariki ya 15 Ugushyingo 2018, Gashumba Frank yatunguranye avuga ku ifoto ya Miss Iradukunda Liliane ashimangira ko ‘uyu mukobwa afite ubwiza’.

Ifoto ya Iradukunfda Liliane yashyize kuri Facebook ni imwe mu zo yifotoreje mu Mujyi wa Sanya aho yagiye guhatanira ikamba rya Nyampinga w’Isi. Kuri iyi foto, Iradukunda yari yambaye ikanzu nto yirabura n’inkweto ndende zijya gusa ikijuju.

Gashumba ari mu ba mbere bashyize igitekerezo kuri iyi foto. Yavuze mu buryo bweruye ko Nyampinga w’u Rwanda ari “Mwiza cyane!” Chimp Reports yanditse ko bidasanzwe kubona uyu muherwe avuga ibintu nk’ibi ku mukobwa.

Uyu mugabo yaherukaga kuvugwa mu itangazamakuru cyane mu mpera za 2017 kubera iperereza yakorwagaho na CMI. Mu ruganda rw’imyidagaduro muri Uganda, azwi nk’umugabo ufuhira cyane umukobwa we Sheila Gashumba usanzwe ari umunyamakuru kuri Televiziyo.

Gashumba yagaragaje amarangamutima ye ku ifoto ya Miss Iradukunda

Ifoto ya Miss Iradukunda Liliane yashituye Gashumba Frank

Ashinjwa kubuza abasore amahwemo iyo hagize uhirahira ngo agirane umubano n’umukobwa we Sheila uri mu bazwi cyane muri Uganda.

Frank Gashumba n'umukobwa we Sheila Gashumba

Sheila Gashumba ni umwe mu bakobwa bazwi cyane ku mbuga nkoranyambaga muri Uganda

)