Rayon Sports yemeje ko yasinyishije myugariro mushya w’Umunya-Côte d’Ivoire, Mohamed Ouattara, wakiniye amakipe akomeye muri Afurika arimo Wydad Casablanca na Simba SC.

Ibinyujije ku mbuga nkoranyambaga zayo mu ijoro ryo ku Cyumweru tariki ya 9 Kanama 2026, yemeje yasinyishije myugariro mushya mu gihe yitegura umwaka w’imikino wa 2026/27.

Mohamed Ouattara w’imyaka 33 akomoka muri Côte d’Ivoire, yiyongereye kuri ba myugariro bandi isanganywe nka Ndayishimiye Didier, Matumona Wakonda Kanda Abbel na Charles Tchouplaou

Uyu myugariro akaba yaranyuze mu makipe atandukanye muri Afurika nka Wydad Casablanca yo muri Maroc, Simba SC yo muri Tanzania, Al Hilal SC yo muri Sudani na Al Ain yo mu Cyiciro cya Mbere muri Leta Zunze Ubumwe z’Abarabu.

Rayon Sports ikaba yarabonye hari aho ikeneye kongera imbaraga ari nayo mpamvu ivuga ko ishobora kongeramo rutahizamu, ukina ku mpande asatira no mu kibuga hagati.

Myugariro mushya wa Rayon Sports, Mohamed Ouattara

)