APR BBC yegukanye Shampiyona ya Basketball 2025-26 nyuma yo gutsinda Patriots BBC imikino ine ku busa ku mukino wa nyuma wa Kamarampaka.

APR BBC yageze ku mukino wa nyuma wa Kamarampaka isezereye RSSB Tigers BBC mu gihe Patriots BBC yasezereye REG BBC.

Aya makipe akaba yagombaga gutanguranwa imikino 4 muri 7 yagombaga gukinwa, APR BBC ikaba yayitsinze yose yikurikiranya.

Nyuma yo gutsinda imikino itatu ya mbere, kuri uyu wa Mbere hakinwaga umukino wa Kane, APR BBC yasabwaga gutsinda igatwara igikombe.

Amakipe yatangiye yegeranye cyane aho agace ka mbere karangiye ari 24 ya APR BBC kuri 22 ya Patriots BBC.

Mu gace ka kabiri APR BBC ibifashijwemo n’abarimo Craig Randall yazamuye ikinyuranyo bajya kuruhuka ari 56-43.

Mu duce tubiri twa nyuma APR BBC yakomeje kuzamura amanota aho aka gatatu karangiye ari 81-58 mu gihe umukino warangiye ari amanota 114 ya APR BBC kuri 76.

APR BBC kwegukana iki gikombe itsinze Patriots BBC imikino 4-0, isubiyemo ibyo yakoze 2023 ubwo yagitwaraga itsinze REG BBC imikino 4-0.

Ni umukino woroheye APR BBC cyane

APR BBC yegukanye Shampiyona ya Basketball

)