Ishyirahamwe ry’Umupira w’Amaguru mu Rwanda, FERWAFA, ryamaze kumenyesha ikipe ya Mukura VS ko umukino wa gicuti yateguye na Rayon Sports ku wa Gatandatu utaba kubera ko hari Super Cup.

Mukura VS ku wa Gatandatu tariki ya 10 Kamena 2024 yari yateguye igikorwa yise "Mukura VS Season Launch" yari kuzerekana abakinnyi izakoresha mu mwaka w’imikino wa 2024-25.

Kuri uyu munsi kandi ikaba yari yarateguye umukino wa gicuti izakinamo na Rayon Sports kuri Stade Mpuzamahanga ya Huye.

Amakuru ava mu ikipe ya Mukura VS ni uko FERWAFA yababwiye ko bagomba gushaka ahandi bashyira uyu mukino kuko udashobora kubera rimwe n’Umukino w’Igikombe Kiruta Ibindi mu Gihugu (Super Cup).

Ku wa Gatandatu tariki ya 10 Kanama 2024 ni bwo hari umukino wa Super Cup uzahuza APR FC yegukanye shampiyona na Police FC wegukanye Igikombe cy’Amahoro.

FERWAFA yanze umukino wa gicuti wa Mukura VS na Rayon Sports

)